ADAT MEUNUNTUT/MEUDAGANG

Dengan bismillah ulon mulai i                                                         

Meunoe keuh dilee dileei phon mula

Di lei awaiphon meuah lon lakee

Bak bandum rakan ban si seulingka

Teuma keuh jinoe salam  a’laikom

Saleum lon lambong keu mandum pemirsa

Pemirsa yang keuphon yang nonton bak TV

Atau yang ka neu hadiri U taman PKA

Pujoe keu ALLAH seulaweut keu NABI

Supaya geu berkati tuleesan pena

Tuleesan penanyoe berbentuk cyair

Seubagoe pesan berbentuk tinta

ALLAH HU ALLAH ALLH HU  RABBON

ALLAH ka diron yang poe kuasa

Saweub cyair nya yang karang chit tengku faki

That brat  meu heeh-heeh meununtut lanja

 Lon lakee meu ah bak mandum kawom

Lon lakei tulong bak mandum syedara

Saweub cyair nyoe hana sejoli

Dengan kendati peraturan yang na

Seulaweut saleum  lom lon tulisi

Kepada sahabat nabi yang that seutia

Saweub ureung nyan yang jaak ngon  nabi

Peutheun kendali peudong agamaa

Takzem lon tuan seubagoe peunuleeh

Kepada sidroe pimpinan di dayah mia

Saweub di sinan phon that lon jak beut

Phon lon meununtut tak teh aleeh baa

Teuma oh lheuh nyan  meuah  lon lakee

Bak mandum guree di dayah mia

Saweub ulon nyoe tan le di sinan

Jinoe lon tinggai di dayah budi

Seubab di sinan abet pimpinan

Seureuta sajan  hukom rajam hana

Maka jih dilon bertahan hinan

Mangat hafalan seureuta do’a

Kepada abi jantong dayah nyan

Neu tulong pandang sereta neu bina

Saweub kamoe nyoe sinan kamoe beut

Sinan meununtut persiapan teuma

Lamnariet maja pih na geu sebut

Penuntut jinie pemimpin teuma

Wahee rakan lon beudoih meunutut

Sigra neujak beut bek gadoh  ho ha

Geujok tariqat oh bantrok keunan

Mangat ji tamong mangat geubina

Saweub tarikat nyan keu ubat hatee

Cara boh jahee bak manusia

Lheuh na tariqat meu amal laju

Mangat jeut keu tengku banbandum gata

Cara lagee nyan cit get that –that jeut

Hana geularang dalam AGAMA

Lam hadis nabi pih na geusurah

Geuthat brat geu takot akan gadoh nyata

Hadisnyan geurawi oleh sahabat

Supaya  nak jeut keu ubat geutanyoe dumnna

Saleum hormat jinoe lon tulisi

Kepada dewan juri yang adee rata

Saweub ureung nyan  cit ka  mengerti

Ka geuteem padoli dan geuteem kendali stand majelis aceh

Adat di aceh karab leue yang ka lie

Mangat ji turi lee penerus bang sa

Adat lawet nyoe hana lee meukri

Leue takalon dalie hilang ka nyata

Wahee rakan lon beudoih meununtut

Sigra neujak beut U dayah teuka

Karena didayah akan geu perbaiki

Akan geu atasi beu meuwoe lagee yang  ka ka

Eeee syedara lon yang tan  lee meurii

Jinoe lee akhie meununtut sigra

Seubab di dayah na budi pekerti

Geutem peuturi ALLAH TA A’LA

Geutem peuturi mak ka dengan ayah

Kadang na pernah salah bak tegur sapa

Lam hadis nabi pih na geusurah

Hanjeut kheun alah menyoe keu poma

Jinoe saleum lon kepada pemimpin nanggroe

Yang ka geutem pakoe keu adat dum na

Geutem seumikee  geuteem seumakoe

Geutwm meusahoe ka nibak PKA

Wahee pemimpin yang adee leupah

Yang that brat meugah dimata donya

Neunging keuh komoe tinggai bak dayah

Kadang deuk dengen graah sabee kutika

Hai bapak gubernur bek neu pilah –pilah

Sikula ngon dayah cit  hana meu beda

Beu neutem bantu beuneutem papah

Ureung beut didayah  beu meubahagia

Kadang didayah hai bapak pemimpin

Nenging beusaree bek neupaleng muka

Kadang dikamoe wahee eee akhi

Get that meu sejoli dengan sikula

Eeee ya tuhan ku tahan di kamoe

Bandum kamoe nyoe neu ampon desya

Desya neu ampon kubue beu luah

Mangat glah lidah di yaumil masyaa

Meumada oh noe cyair lon karang

Dari lon tuan tgk jamali nama

Saweub ulon nyoe sidroe penuntut

Teungoh lon jak beuet jinoe di dayah

Ho ka gata syedara lon yang that barat ceudah

Nyoepat peusan lon neutulong  baca

Meunyoe na salah meuah  lon lakee

Meunyoe na teupeeh hate syedara

Meumada oh noe WALLAH HU A’lam

Dari lon tuan hamba yang faki

Seubab ulon nyoe meunoe pilehan

Untuk persiapan keu uroe pagee

Karangan. jamali ben tgk usman.

 Dayah Budi Muthmainnah